Áskerıler demokratııany qoldaıtyn Ulttyq lıga» dep atalatyn partııanyń basshylyǵy men onyń jetekshisi Aýn San Sý Chjı áli de bosatpaı otyr, dep habarlaıdy Egemen.kz
Mıanmadaǵy Mandalaı qalasynda áskerılerdiń bıligine qarsy narazylyq sharasyna qatysqan 30 shaqty adam qamaýǵa alyndy.
Resmı derek boıynsha, bas kótergenderdi taratý úshin tártip saqshylary sýatqyshtar qoldanǵan. Reuters agenttiginiń dereginshe, 27 adam ustalǵan, onyń bireýi – jýrnalıst. Bılik mıtıngke shyqqandar «5 adamnan kóp bolyp jınalýǵa bolmaıdy» degen erejeni buzdy dep otyr.
Mıanmany jappaı ereýilderdiń sharpyǵanyna birneshe kún boldy. Narazylyq sharalary el astanasy Neıpıdoda, Iаngonda, Mandalaıda jáne birqatar qalada ótip jatyr. Bas kótergender áskerılerden prezıdent pen memlekettik keńesshini bosatýdy talap etýde.
1 aqpanda áskerıler tóńkeris barysynda Mıanmanyń memleket basshylaryn qamaýǵa alyp, bir jylǵa tótenshe jaǵdaı jarııalaǵan edi. Olar «demokratııany qoldaıtyn Ulttyq lıga» dep atalatyn partııanyń basshylyǵy men onyń jetekshisi Aýn San Sý Chjı áli de bosatpaı otyr.