Qala ákimi Murat Áıtenov birqatar bilim berý nysandarynyń qurylys barysyn aralap kórdi. Murat Dúısenbekuly aldymen Qarataý aýdany Saıram turǵyn alabynda ornalasqan bastaýysh 10 synypqa arnalǵan, 120 oryndyq qosymsha qurylystyń barysymen tanysty, dep jazady Egemen.kz
Qala ákimi Murat Áıtenov birqatar bilim berý nysandarynyń qurylys barysyn aralap kórdi. Murat Dúısenbekuly aldymen Qarataý aýdany Saıram turǵyn alabynda ornalasqan bastaýysh 10 synypqa arnalǵan, 120 oryndyq qosymsha qurylystyń barysymen tanysty.
Jobanyń quny – 936,1 mln teńge. Bas merdiger «ART – Qurylys» JShS ótken jyly 330,0 mln teńgeni ıgergen. Qurylys 2020 jyly naýryz aıynda bastalǵan bolatyn. 2021 jylǵa qaralǵan qarjy – 606,1 mln teńge. Merdiger kompanııa qurylysty bıyl shilde aıynda aıaqtaýdy josparlaýda. Búginde jer jumystary, beton asty tabany, irge tas, syrtqy ınjenerlik jeliler, t.b., jumystar 100 paıyz oryndaldy.
– Qurylysty sapaly júrgizýde halyqaralyq standarttardy úırený – zaman talaby. Mektep aýlasyn tolyq asfalttaý, gazon, tas tósenish tóseý jáne sport zaldyń jeldetý júıesine asa kóńil bólý qajet. Qurylys alańyna kirip-shyǵyp júrgen tehnıkalardyń tazalyǵyna mán berý kerek, dedi qala ákimi.
Sondaı-aq, qala ákimi qurylysty aralaý barysynda jergilikti turǵyndarmen kezdesip, merdigerdiń jumysty sapaly atqarýyn birlese baqylaýǵa shaqyrdy.