«TƏBIB» medısınalyq óńirlik bólimshelerdi basqarý jónindegi birlestigi Ázerbaıjanǵa jańa «Covid-19» shtamynyń ený múmkindigi bar ekenin habarlaıdy. Osyǵan baılanysty «TƏBIB» jańa shtamnyń taralýyn boldyrmaý úshin vaksınasııa máselesine baıypty kózqaras qajet dep sanaıdy.
Birlestik qyzmetkerleri vaksınanyń aǵzadaǵy ekinshi dozasynan keıin osy vırýsqa qarsy turý 60%-90% aralyǵynda artýy tıis ekenin, alaıda vaksına alǵandardyń bosańsymaýy qajet ekenin aıtady. О́ıtkeni vaksınany vırýstan qorǵaý áseriniń uzaqtyǵy áli de anyq emes.
Bul rette, «TƏBIB» baǵalaýy boıynsha, vaksına adamdy 1-2 jylǵa qorǵaýy kerek. Sonymen qatar vaksına alǵannan keıin «Covid-19» qaıta juqtyrý múmkindigi týraly, sondaı-aq vaksına koronavırýstan tolyq qorǵaı ma degen suraqqa «TƏBIB» mynany málimdedi:
«Vaksına ekinshi doza engizilgennen keıin 2 aptadan keıin óz áserin kórsetedi. Sodan keıin ǵana qandaǵy antıdenelerdiń bar-joǵyn anyqtaýǵa bolady, biraq bul fakt adamnyń ımmýnıtetine baılanysty. Vaksınalardy zertteý nátıjeleri ártúrli. Túrkııadaǵy «CoronaVac» vaksınasyn zertteý onyń tıimdiligi 92%-ǵa teń ekenin kórsetti, Brazılııalyq zertteýler boıynsha vaksına 100%-ǵa qorǵaıdy», dedi ol.
Eske salaıyq, Ázerbaıjanda 18 qańtarda halyqty jańa SARS-CoV-2 koronavırýsyna qarsy egý bastaldy. Medısına qyzmetkerleri «Ázerbaıjan Respýblıkasynda COVID-19-ǵa qarsy 2021-2022 jyldarǵa arnalǵan vaksınasııa strategııasyna» sáıkes alǵashqy vaksınany aldy. Ári qaraı halyqtyń qalǵan bóligi egiledi. 18 jasqa tolmaǵan, júkti jáne allergııasy bar adamdar ázirge egilmeıdi.
Vaksına qytaılyq «Sinovac» kompanııasynyń «CoronaVac» vaksınasyn qoldaný arqyly júzege asyrylady. Jalpy, ótken táýlikte ÁR-da koronavırýs juqtyrýdyń 147 jańa jaǵdaıy anyqtaldy, 236 adam emdeldi, 4 adam qaıtys boldy. El boıynsha koronavırýs ınfeksııasyn juqtyrýdyń 231 509 faktisi tirkeldi, búgingi kúni COVID-19 vırýsyna 2 470 980 test ótkizildi.