Kásibin ydys-aıaq, parfıýmerııa, balalar oıynshyǵyn satýmen bastaǵan Rabıǵa Baıtemirova búginde ózi otandyq balalar oıynshyǵyn óndirip otyr. Kásiporyn «Navruz Plastik – ShR» saýda markasymen Qazaqstan naryǵynda keńinen tanylýda.
Balalar oıynshyǵyn qurastyrýdy nelikten qolǵa alǵany jóninde kásipkerdiń ózi baıandap, aldaǵy josparlarymen bólisti. Balalar oıynshyǵyn qurastyrýdy nelikten qolǵa alǵany jóninde kásipkerdiń ózi baıandap, aldaǵy josparlarymen bólisti.
- 1995 jyldary jubaıym ekeýmiz Qytaı, Iran, Reseı jáne О́zbekstan elderinen túrli taýarlar ákelip satyp júrdik. Sonda balalar oıynshyǵyna degen suranystyń joǵary ekenin baıqadyq. Saýdamen uzaq jyldar boıy aınalysqandyqtan, naryqty zerttep, oıynshyqtar óndirisimen aınalysýǵa bel býdyq. Sol ýaqytta ulym Qytaıda oqıtyn jáne qural-jabdyqtardy, óndiristik jáne tehnologııalyq prosestermen bizdi ulymyz tanystyrdy. Nátıjesinde 2013 jyly qajetti jabdyqtardy alyp, «Mag» oıynshyqtary jelisin jınaqtaqtaýdy bastap kettik. Al 2015 jyly oıynshyqtar assortımentin keńeıtý úshin press-qalyptar, qosymsha qural-jabdyqtar shyǵaratyn mashına jabdyǵy, balalarǵa arnalǵan kvadrosıkldardy satyp alý qajettigi týdy. Bul maqsatta memlekettik baǵdarlama sheńberinde «Damý» qory nesıe alýǵa kómek kórsetti. Osylaısha oıymyz júzege asty. Aldaǵy ýaqytta basqarý qurylǵysy bar kólik oıynshyqtar, qýyrshaq, balalarǵa arnalǵan ydys-aıaqtar jasap, eksportqa shyǵarsaq degen josparymyz bar,- deıdi shymkenttik kásipker.
Búgingi tańda kásiporyn motosıkl, tulpar, qurastyrǵyshtar shyǵarady. Aıyna 4000-6000 dana oıynshyq óndirýge qaýqarly. 20 adamdy jumyspen qamtýda. Respýblıkamyzdyń barlyq óńirindegi dúkenderden qoljetimdi baǵada kezdestire alamyz. Sonymen birge, Qyrǵyzstan eline de joldanady. Túrkııa jáne Iran ınvestorlary qyzyǵýshylyq tanytyp, birlese jumys jasaýdy usynyp otyr.О́nim óndirýde polıpropılen men polıetılen sekildi shıkizatty Iran, Túrikmen elinen aldyrsa, boıaýlary Vetnam jáne Germanııa, Koreıadan ákelinedi. Kóp jyldyq tájirıbesi bar Rabıǵa Baıtemirova – «alǵa jyljýdaǵy basty qaǵıdam ózime únemi maqsat qoıyp, biliktiligimdi arttyrý jolynda kún saıyn bilimim men kásibı daǵdymdy jetildirip otyrý», dep túsindiredi.