Baıram Azızov Azamattarǵa arnalǵan úkimet memlekettik korporasııasynyń basqarýshy dırektory bolyp taǵaıyndaldy, dep habarlaıdy Egemen.kz
Buǵan deıin ol Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsınniń shtattan tys keńesshisi qyzmetin atqarǵan.
Baıram Azızov 1987 jyly 15 mamyrda dúnıege kelgen. 2008 jyly Abaı atyndaǵy Qazaq pedagogıkalyq ýnıversıtetin "Orys tili, aǵylshyn tili jáne ádebıeti" mamandyǵy boıynsha bitirgen.
Eńbek jolyn 2007 jyly "Bıznes ı vlast" baspasynda saqtandyrý naryǵyna qatysty taqyryptarda jazatyn tilshi bolyp bastaǵan. 2008 jyldan bastap 2010 jylǵa deıin BTA Bankiniń saqtandyrý kompanııalary tobynyń (BTA Jızn, BTA Zabota, BTA Strahovanıe) baspasóz hatshysy bolyp jumys istedi. 2010 jyldan bastap 2014 jylǵa deıin "Kar-Tel" JShS-da (tm Beeline) qoǵammen baılanys qyzmetin basqaryp, Qazaqstanda 3G jelilerin qurý isin aqparattandyrýdyń bastaýynda boldy, el basshylyǵyna 4G múmkindikteriniń alǵashqy tanystyrylymyn ótkizdi. "Samuryq-Qazyna" "UÁQ" AQ transformasııalaý baǵdarlamasynyń qatysýshysy bolyp, "Qazposhta" AQ-da marketıng, jarnama jáne PR departamentin basqara júrip, kompanııanyń óńirlik bólimshelerimen ózara is-qımyl prosesterin qalyptastyrdy.
Keıin "Qazaqstannyń turǵyn úı qurylys jınaq banki" AQ basqarma tóraǵasynyń syrtqy jáne ishki kommýnıkasııalar jónindegi keńesshisi bolyp jumys istedi, "Sberbank Qazaqstan" AQ EK marketıng jáne kommýnıkasııalar basqarmasyn basqardy.
2019 jyldan bastap Nur-Sultan qalasynda bıznestiń jańa baǵytyn damyta otyryp, TAG media jarnama agenttiginiń atqarýshy dırektory boldy.
Jańa laýazymda Baıram Azızov kommýnıkasııa máselelerin – servısti qurý, memlekettik korporasııanyń oń ımıdjin qalyptastyrý mindetterin oryndaıtyn bolady.