QR Aqparat jáne qoǵamdyq damý mınıstrligi «Otandastar qorynyń» bastamasy boıynsha Qazaq radıosynan «Qandastar» jańa baǵdarlamasy efırge shyqty, dep habarlaıdy Egemen.kz
2021 jylǵy 9 aqpanda radıobaǵdarlamanyń alǵashqy shyǵarylymy ótti.Baǵdarlamanyń birinshi shyǵarylymy shetelde turatyn jáne tarıhı Otanyna oralýdy josparlap otyrǵan qazaq ultynyń ókilderi úshin ózekti máselelerge arnaldy.
Baǵdarlama barysynda karantındik sharalarǵa baılanysty Qytaıdan kelgen qandastarymyzdyń memlekettik shekarany ótý suraǵyna baılanysty, álemniń 12 eliniń 24 iri qalasynda qazaq tilin úırený boıynsha 31 synypty ashý, 2020 jyly alǵash ret onlaın-formatta ótken UBT, shet elderde «Abai uii» mádenı-iskerlik úıleriniń ashylýy jáne basqa da máseleler talqylandy.
Baǵdarlama aıasynda Qazaqstandaǵy jáne basqa elderde turatyn qandastarǵa arnalǵan túrli jobalar týraly aqparattyq habarlamalar shyǵady dep josparlanýda.
Budan basqa, baǵdarlama formaty kóshi-qonǵa, qujattardy resimdeýge, kvotalar men shetelde turatyn qandastar úshin ózekti basqa da taqyryptarǵa baılanysty máselelerdi sheshý boıynsha talqylaý júrgizýge múmkindik beredi. Joba ár seısenbi saıyn Nur-Sultan ýaqyty boıynsha saǵat 11.15-te áýe tolqynyna shyǵady. Tikeleı efır nómiri: 8 (717) 2-75-72-75.
Baǵdarlama júrgizýshisi - jýrnalıst Erkin Baıǵabyluly.