Tájikstan Joǵarǵy soty Sırııadaǵy qarýly qaqtyǵystarǵa qatysqan eldiń bes azamatyn eki jylǵa bas bostandyǵynan aıyrýǵa úkim shyǵardy. Bul týraly ITAR-TASS habarlady.
«Qamaýǵa alynǵan beseýi de Sırııa halyqaralyq ýnıversıtetinde oqyp júrgen stýdentter eken. Aıyptalýshylar óz erikterimen úkimetke qarsy kúshterdiń qataryna ótip, soǵys qımyldaryna qatysqan, – dep málimdedi Tájikstan ulttyq qaýipsizdik komıtetiniń ókili. – Olar elge oralǵan kezderinde qamaýǵa alynyp, óz kinálaryn tolyq moıyndady». Olarǵa «qylmystyq uıymnyń nemese ózge qarýly toptardyń qyzmetine qatysty» degen aıyp taǵyldy. «Aıyptalýshylardyń óz erikterimen kinálaryn moıyndaýlaryna baılanysty sot úkimi jeńildetildi», – deıdi arnaıy qyzmet ókili.
Tájikstan kúshtik qurylymdarynyń aqpary boıynsha, Sırııadaǵy soǵys qımyldaryna eldiń 150-den astam azamaty qatysýda. Olardyń kóbisi Sırııa aýmaǵyna basqa el arqyly kirgen nemese sol eldegi joǵary oqý oryndarynda bilim alyp júrgen jastar kórinedi.
Aıdar О́risbaev.
Derekkóz: Itar-tass.com
Foto: Interaffairs.ru