SQO-da jyl basynan beri alǵash ret zańsyz ań aýlaý faktisi anyqtaldy, dep habarlaıdy Egemen.kz Polisia.kz saıtyna silteme jasap.
Polısııa departamenti jáne Jambyl aýdany polısııa bóliminiń tabıǵatty qorǵaý polıseıleri aýyldardyń birinde úıdiń mańynan jiliktep bólingen sibir eliginiń etin anyqtady. Ańnyń terisinde oq izderi bolǵan. Janýardy zańsyz atyp alǵany úshin aýdannyń 46 jastaǵy turǵyny ustaldy.
Atalǵan fakti Sotqa deıingi tergep-tekserýdiń biryńǵaı tizilimine QR Qylmystyq kodeksiniń 337-baby (Zańsyz ańshylyq) boıynsha engizildi. Kúdiktige qatysty mindetti kelý túrindegi májbúrleý sharasy taǵaıyndaldy. Janýardyń qalǵan músheleri, “Rys” qarda júrgishi, 12 kalıbrli “IJ-43E” jáne “TOZ-87” ańshy myltyqtary, oq-dáriler, basqa da qural-jabdyqtar alyndy. Kúdiktimen birge taǵy eki aýyl turǵyny bolǵan.
Qazirgi ýaqytta bolǵan oqıǵanyń mán-jaıyn tolyq jáne obektıvti anyqtaýǵa baǵyttalǵan sotqa deıingi tergeý júrgizilýde.
– Tabıǵatty qorǵaý polısııasynyń reıdteri orman jáne ańshylyq sharýashylyqtarynyń qyzmetkerlerimen birlese turaqty negizde júrgiziledi, – dedi SQO Polısııa departamenti Jergilikti polısııa qyzmeti basqarmasy tabıǵatty qorǵaý polısııasy tobynyń ınspektory Ashat Qojabaev.
Atalǵan qylmys jyl basynan bergi Soltústik Qazaqstan oblysynda tirkelgen zańsyz ań aýlaýdyń alǵashqy faktisi.