Almaty qalasynyń ákimi Baqytjan Saǵyntaev esep berý kezdesýinde Úlken Almaty jaǵalaýy abattandyrylatynyn aıtty, dep habarlaıdy Egemen.kz
Qalada ózender mańyzdy ról atqaratyndyqtan, Kishi Almaty jáne Esentaı ózenderiniń arnasyn nyǵaıtý jumysy júrgizilýde.
Sondaı-aq abattandyrý boıynsha azamattardyń barlyq sanattary úshin serýendeý, bos ýaqyt úshin qolaıly orta qurý jumysy qarastyrylyp jatyr.
«Bıyl jaıaý júrginshiler aımaǵyn tazartý, dýaldar men qorshaýlardy durys jasaý, ál-Farabıden Saıranǵa deıin serýendeý aımaǵy jetkilikti úlken bolýy úshin jaryqtandyrý jobasyn jasaýdy josparlap otyrmyz», dep atap ótti ákim.
Onyń aıtýynsha, Úlken Almaty jaǵalaýy abattandyrylady. Qazirgi ýaqytta selden qorǵaý bógetinen Saıran kóline deıin ózendi jaılastyrý jobasy ázirlenip jatyr. Osylaısha, taýlardy, Tuńǵysh Prezıdent saıabaǵy men Saıran kólin ózara baılanystyra otyryp, jasyl dálizdi qalpyna keltirýge, jeldetýge arnalǵan dálizdi qamtamasyz etýge jáne ınklıýzıvti qaýipsiz orta qurýǵa múmkindik bolady.
Abattandyrý jumysy kelesi jyly bastalady. Jobalaý-smetalyq qujattamany ázirleýdi aıaqtaý merzimi – 2021 jylǵy jeltoqsan.