Bolat Nusqabaev - balalar travmatologııa-ortapedııa beıini boıynsha týa bitken naýqastarǵa jáne jaraqattanǵan balalarǵa kúrdeli ota jasaıtyn hırýrg. О́z isin jetik meńgergen maman 30 jylǵa jýyq medısına salasynda qyzmet atqaryp keledi, dep habarlaıdy Egemen.kz.
Joǵary sanatty dáriger, joǵary sanatty medısına salasynyń uıymdastyrýshysy. «Medısına salasynyń úzdigi», «Altyn dáriger», «Qazakstan Respýblıkasynyń travmatologııa-ortopedııa salasyna eńbegi sińgen» tós belgileriniń ıegeri. «Jyl dárigeri» atanǵan.
Medısına mamany aıaq-qoly jaraqattanǵan balalarǵa kúrdeli ota jasaıdy. Jumys tájirıbesinde bilikti hırýrg týmasynan janbas súıeginde aqaýdan tósekke tańylǵan balalardyń aıaqqa turyp ketýi úshin kúrdeli otalar jasap, oń nátıjege qol jetkizgen.
Bedeldi travmatolog-ortoped búgin kúnge deıin segiz myńdaı balaǵa kúrdeli operasııa jasaǵan.
2011 jyly Lıtva memleketinde bilim alyp, sapaly medısına salasyn uıymdastyrýdy, joǵary tehnologııalardy qoldana otyryp ota jasaýdy meńgerip, tájirıbesin qoldanysqa engizdi.
Bilikti maman qazirgi tańda qalalyq balalar klınıkalyq aýrýhanasynyń balalar ortoped-travmatology, travmatologııa bóliminiń meńgerýshisi, Shymkent qalasynyń densaýlyq saqtaý basqarmasynyń shtattan tys balalar ortoped –travmatology bolyp qyzmet atqarady.
Ol ota jasaýmen qatar syrqattanǵan balalarǵa keńes berip, emdeý sharalaryn júrgizedi. Shtattan tys balalar ortoped-travmatology 2019 jyly - 1680, 2020 jyly - 1945 balany qabyldap, medısınalyq keńes bergen.