Qazaqstan Fransııadaǵy elshici Jan Ǵalıev «D. A. E.» kompanııasynyń basshysy Davıd Ammıomen kezdesti.
Kelissózder barysynda fransýz kásipkeri jergilikti shıkizat pen jumys kúshin paıdalana otyryp, Almaty oblysynda eshki sútinen irimshik óndirisin ashý týraly josparlarymen bólisti.
О́ndiriske bastapqy ınvestısııalardyń kólemi 1 mln. eýrony quraıdy. Jobany qarjylandyrýǵa «Kairos Advice» halyqaralyq ınvestısııalyq-konsaltıngtik kompanııasynyń Bas dırektory Aıgúl Saınova da qatysady. О́ndiristi damytý úshin Fransııadan asyl tuqymdy mal ımporty, sondaı-aq tehnologııalar transferi men tájirıbemen bólisý kózdeledi.
Elshi bul joba Qazaqstan men Fransııa arasyndaǵy yntymaqtastyqtyń basym salalarynyń biri bolyp tabylatyn aýyl sharýashylyǵyna sáıkes keletinin atap ótti. Onyń aıtýynsha, eshki sútinen jasalǵan irimshiktiń EAEO, QHR jáne Ortalyq Azııa elderiniń naryqtaryna jetkizýdiń eleýli áleýeti bar. Elshi atalǵan jobaǵa QR SIM, «Kazakh Invest «UK» AQ jáne basqa da múddeli vedomstvolar tarapynan qajetti súıemeldeý kórsetiletinine sendirdi.
Kezdesý qorytyndysy boıynsha D.Ammıo Qazaqstan Elshiligine qoldaý kórsetkeni úshin alǵysyn bildirdi. Fransýz ınvestory aldaǵy ýaqytta jobany bastap, eshki irimshiginiń alǵashqy partııasyn tutynýshylarǵa usyný úshin Qazaqstanǵa barýdy kózdep otyr.