Túrkistan oblysynyń turǵyny júz bir jasynda jańa jeke kýáligin aldy, – dep habarlaıdy Egemen.kz Polisia.kz saıtyna silteme jasap.
Sozaq APB-niń polısııa qyzmetkerleri jergilikti turǵyndarǵa, sonyń ishinde qarttarǵa, UOS ardagerleri men múmkindigi shekteýli jandarǵa qujatyn jasap berýge, ary-beri sandaltpaýǵa únemi kómek kórsetip otyrady.
Osy maqsatta Sozaq APB-niń qyzmetkerlerinen qurylǵan mobıldik top halyq arasynda surastyrý jumystaryn júrgizip, jeke kýáliginiń merzimi ótken, bir ǵasyr jasaǵan ájeni anyqtady.
Sodan keıin aq jaýlyqty anany sharshatpastan qajetti qujattaryn jınaqtap, foto-beınege túsirdi. Osylaısha Sozaq aýdanynyń turǵyny Syrǵakúl Kerimbekovaǵa jeke kýáligin qaıta jasap berýge kómek berilip, daıyn qujaty tabystaldy.
О́z kezeginde 101 jasqa kelgen keıýananyń kýanyshynda shek bolmady. Ol polısııa qyzmetkerlerine jáne olardy basqaryp otyrǵan basshylaryna analyq alǵysyn jaýdyrdy. Jumystaryna tabys tilep, shynaıy rızashylyǵyn bildirip, aq batasyn berdi.
Jalpy, Qazaqstan Respýblıkasy IIM-niń tapsyrmasyna sáıkes Túrkistan oblysy Polısııa departamentinde qujattanbaǵan nemese KSRO qujatymen qalyp qoıǵandarǵa, egde jastaǵy júrip-turýy qıyn qarııalarǵa qujat rásimdeý maqsatynda kóshi-qon qyzmetkerlerinen arnaıy mobıldik toptar qurylyp, qarqyndy jumys júrgizýde. Eń basty maqsat – halyqqa qolaıly qyzmet usyný bolyp tabylady.