Túrkistan oblysynda polıseıler er adamnyń kóliginen bir kelige jýyq marıhýana tárkiledi, – dep habarlaıdy Egemen.kz Polisia.kz saıtyna silteme jasap.
Túlkibas APB kezekshi bólimine jergilikti turǵynnyń esirtkini úlken mólsherde saqtaıtyny týraly habarlama kelip tústi. Atalǵan jaıtty polısııa qyzmetkerleri QR QK-niń 296-baby (Esirtki, psıhotroptyq zattarmen, olardyń analogtarymen ótkizý maqsatynsyz zańsyz jumys isteý) boıynsha SDTBT-ǵa tirkedi. Jedel-izdestirý is-sharalary barysynda Túlkibas APB-niń polıseıleri “Nıssan Premera” avtokóligin toqtatty. Sodan avtokólik ıesin tintý kezinde, avtokóliktiń kapotynyń ishinen qapshyqqa salynǵan ózine tán hosh ıisti zat tabylyp tárkilendi.
Saraptamaǵa sáıkes, tárkilengen esirtkiniń jalpy salmaǵy bir kelige jýyq marıhýana bolyp shyqty. Qazirgi ýaqytta atalǵan jaıt boıynsha sotqa deıingi tergeý amaldary júrgizilýde.
Kúdikti qolhatta. Polıseıler istiń barlyq mán-jaıyn jáne er adamnyń ózimen birge úlken mólsherdegi esirtkini ne úshin alyp júrgenin anyqtaýda. Túrkistan oblysynyń polıseıleri esirtki zattarynyń zańsyz aınalymy úshin, qylmystyq jaýapkershilik qarastyrylǵanyn eske salady. Eger sizde esirtkini zańsyz saqtaý jáne ótkizý jaıttary týraly qandaı da bir aqparat bolsa, dereý polısııaǵa habarlasyńyz.