Indýstrııa jáne ınfraqurylymdyq damý mınıstri Beıbit Atamqulov Temirtaý qalasyndaǵy metallýrgııa kombınatynda «ArselorMıttal Temirtaý» AQ basshylyǵymen kóshpeli kezdesý ótkizdi, dep habarlaıdy Egemen.kz.
Mınıstrge eń aldymen konverter sehyna bardy. Onda jaqynda №2 konverterde úrleý kezinde alǵashqy gaz tazalaý press-skrýbberiniń qabyrǵalaryna jabysyp qalǵan shań opyrylyp qulaǵan. Sodan keıin peshte balqytý toqtatyldy.
Beıbit Atamqulov jaǵda bolǵan jerde kásiporynnyń tehnıkalyq mamandarynyń oqıǵanyń yqtımal sebepteri týraly málimetin tyńdady.
Mınıstr sondaı-aq koks-hımııalyq óndiriste, domna peshinde, ystyqtaı myryshtaý jáne alıýmınııleý sehynda boldy.
Kásiporyn basshylyǵynyń nazaryn dereý arada jańǵyrtý men ınvestısııany qajet etetin koks batareıalarynyń jaı-kúıine aýdardy.
Bul seh tehnologııalyq prosestiń shıkizat quramalaryn, sondaı-aq bolat óndirisiniń barlyq negizgi tehnıkalyq bólinisterinde qoldanylatyn koks gazyn jetkizedi.
"ArselorMıttal Temirtaý" AQ Bas dırektory koks batareıalaryndaǵy jóndeý jumystarynyń barysy týraly baıandady. 2021 jyly № 3 jáne 4 koks batareıalaryn jóndeýdi tolyǵymen aıaqtaý josparlanyp otyr.
Sonymen qatar, Bıdjý Naır aldaǵy ýaqytta jylý-lektr ortalyǵynda bý-aýa stansııasyn, 2-shi jylý-elektr ortalyǵynda, kómir departamentiniń shahtalaryn jańǵyrtý jáne kómir metanyn qaıta óńdeý jobalaryn iske asyrý týraly aıtyp berdi.
Kásiporyn aldyna jańa ekologııalyq kodeks talaptaryna sáıkes zaýytty aýqymdy jańǵyrtý jáne tehnologııalyq jańartýǵa baǵyttalatyn ınvestısııany arttyrý mindeti qoıyldy.
Qazaqstanda qurylys kólemi aıtarlyqtaı qarqynmen ósip kele jatqandyqtan, mınıstr kombınat basshylyǵynyń nazaryn eń aldymen ishki naryqty metall prokatymen qamtamasyz etý qajettiligine aýdardy.