Shymkentte karantın kezinde jumys istegen oıynhana anyqtaldy, – dep habarlaıdy Egemen.kz Polisia.kz saıtyna silteme jasap.
Profılatıkalyq-reıdtik sharalardy júrgizý barysynda, karantınge qaramastan kelýshilerge qyzmet kórsetken kompıýterlik oıynhana anyqtaldy. Osy jyly 19 aqpan kúni saǵat 22:51 shamasynda Shymkent qalasy Polısııa departamenti Ál-Farabı aýdany Polısııa basqarmasynyń qyzmetkerleri Baıtursynov kóshesi boıynda ornalasqan kompıýterlik oıynhananyń jasyryn jumys jasap turǵanyn anyqtady. Osyǵan sáıkes karantın rejımin jáne shekteý sharalaryn saqtamaǵany úshin is-qujattar rásimdeldi.
Anyqtalǵan quqyq buzýshylyq jaıtyna qatysty, nysan ıesine QR Ákimshilik quqyq buzýshylyq týraly kodeksiniń 425-baby (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha jınaqtalǵan materıaldar Taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldanǵan. Jalpy, tártip saqshylary turǵyndarǵa turaqty túrde karantın talaptaryn túsindirý jumystaryn júrgizýde.