«Birgemiz» qorynyń qamqorshylyq keńesi Jambyl oblysynyń Sarysý aýdany Jańatas qalasynda órtten zardap shekken Ábdimálikovter otbasyna 2 mln teńge bólý týraly sheshim qabyldady, dep habarlaıdy Egemen.kz.
«Qor atynan qaza tapqan balalardyń ata-anasy men jaqyndaryna kóńil aıtamyz. Bul balalardyń ata-anasyna da, bárimiz úshin de orny tolmas qaıǵy. Ábdimálikovter otbasynyń qaıǵysyna ortaqtasa otyryp, biz materıaldyq kómek kórsetýge sheshim qabyldadyq», - dep atap ótti Qor tóraǵasy Rýslan Sakeev.
Esterińizge sala keteıik, «Birgemiz» qory ótken jyldyń naýryz aıynda Elbasy, «Nur Otan» partııasynyń Lıderi Nursultan Nazarbaevtyń bastamasymen koronavırýspen kúres jaǵdaıynda halyqtyń áleýmettik osal toptaryn qoldaý úshin qurylǵan bolatyn. Qor jumysy barysynda 655 myńnan astam muqtaj otbasyǵa (2,2 mln adam), 2 myńnan astam medısına qyzmetkerine birjolǵy tólem túrinde kómek kórsetildi. Halyqtyń qorǵalmaǵan tobyna jatatyn 100 myń otbasyna 5 mln medısınalyq maska tegin taratyldy.
Sondaı-aq, Qor qarajatyna Túrkistan oblysynyń Maqtaaral aýdanynda sý tasqynynan zardap shekkenderge arnap 32 úı salyndy.