Shymkentte «Mıgrant» profılaktıkalyq is-sharasy barysynda izdeýde júrgen tórt qylmysker ustaldy, dep habarlaıdy Egemen.kz Polisia.kz saıtyna silteme jasap.
Kóshi-qon zańnamasy boıynsha úsh qylmystyq jaıt anyqtaldy.2021 jyldyń 15-19 aqpan aralyǵynda Shymkent qalasy Polısııa departamentiniń qyzmetkerlerimen júrgizilgen «Mıgrant» profılaktıkalyq is-sharasy barysynda Qazaqstan Respýblıkasyna kelip-ketý jáne bolýy boıynsha kóshi-qon zańnamasyn buzǵan 245 sheteldik jáne 74 Qazaqstan Respýblıkasynyń azamaty anyqtaldy.
2018-2020 jyldar aralyǵynda kóshi-qon zańnamasyn buzǵan segiz sheteldikter sot sheshimin oryndamaı júrgeni anyqtalyp, el aýmaǵynan shyǵaryldy.
Is-shara barysynda shetel azamatyn zańsyz turǵyn úımen qamtamasyz etken 59 jáne shetel jumys kúshin zańsyz paıdalanǵan 15 Qazaqstan Respýblıkasynyń azamattary anyqtaldy. Olarǵa QR ÁQBtK-niń 518 jáne 519-baptary boıynsha ákimshilik jaýapkershilikke tartyldy.QR Qylmystyq kodeksiniń 394-baby boıynsha úsh jaıt anyqtaldy. Sondaı-aq, izdeýde júrgen tórt qylmysker ustaldy. Qoǵamdyq oryndarda qaıyrshylyqpen aınalysyp, azamattardy mazalap júrgen úsh sheteldik anyqtaldy. Olarǵa qatysty QR ÁQBtK-niń 449-baby 3-bóligimen ákimshilik hattamalar toltyryldy.