2-3 naýryzda Prezıdent Qasym-Jomart Toqaevtyń shaqyrýymen Qyrǵyz Respýblıkasynyń Prezıdenti Sadyr Japarovtyń Qazaqstanǵa memlekettik sapary ótedi.
«Sapar barysynda joǵary deńgeıdegi kelissózder men ekijaqty qujattarǵa qol qoıý, sondaı-aq memlekettik sapar mártebesine sáıkes protokoldyq is-sharalar josparlanǵan.
Sonymen qatar Qyrǵyz Respýblıkasynyń Prezıdenti S.Japarov Qazaqstannyń bıznes-qoǵamdastyǵymen kezdesý ótkizedi», delingen QR SIM habarlamasynda.
QR Prezıdentiniń baspasóz hatshysy Berik Ýálı Facebook paraqshasynda, «shaǵyn jáne keńeıtilgen quramda ótetin kelissózder barysynda saýda-ekonomıkalyq, kólik-logıstıkalyq, sý-energetıkalyq, mádenı-gýmanıtarlyq salalardaǵy yntymaqtastyqty nyǵaıtýǵa basymdyq bere otyryp, qazaq-qyrǵyz strategııalyq seriktestigi men odaqtastyǵynyń qazirgi jaǵdaıy jáne perspektıvalary talqylanatyndyǵy kózdelip otyrǵandyǵyn» habarlady.
(Memleket basshylary Ortalyq Azııadaǵy, Eýrazııalyq ekonomıkalyq odaqtaǵy jáne ózge de kópjaqty qurylymdardaǵy ıntegrasııalyq úderisterdi damytý jóninde, sondaı-aq, kún tártibindegi halyqaralyq ózekti máseleler boıynsha pikir almasady dep kútilýde. Sapar qorytyndysy boıynsha birqatar ekijaqty kelisimderge qol qoıylmaq», dep jazdy Berik Ýálı.