Nur-Sultan qalasynyń ákimi Altaı Kólginov Instagram paraqshasynda pandemııanyń qıyn kezeńderin birlese eńsergen jandarǵa alǵys aıtty, dep habarlaıdy Egemen.kz.
«Qurmetti qala turǵyndary!
Sizderdi alǵys aıtý kúnimen shyn júrekten quttyqtaımyn! Bul mereke qamqorlyq kórsetýdiń, birlik pen yntymaqtyń nyshany ispettes!
О́tken jyl bárimizge ońaı bolǵan joq. Alaıda pandemııanyń eń qıyn kezderin birlese eńserdik. Medısına qyzmetkerleri, tártip saqshylary, muǵalimder, eriktiler men jyl boıy koronavırýspen kúreste aldyńǵy shepte turǵan jandar — bizdiń zamanymyzdyń batyrlary. Myńdaǵan otbasyny qutqaryp, ajal aýzynan alyp qalǵan, medısınalyq mekemeler men blok-beketterde kezekshilik etken jyl boldy. Eriktiler kóp jumys atqaryp, zor kómek kórsetti.
El basshylyǵy qıyn kezeńderde qoldaý sharalary men eldiń odan ári damýyn erekshe nazarda ustap keledi.
Pandemııa kezinde qala turǵyndary kásibı jáne adamı qasıetterin kórsete bildi. Eń qıyn ýaqyt artta qalǵanymen, áli de saq bolý qajet. Bul synaqty tek birlesken kúsh-jigerdiń arqasynda ǵana jeńemiz!
Alǵys aıtý kúnimen quttyqtaımyn! Sizderge zor densaýlyq, baqyt jáne ár otbasyǵa amandyq tileımin!» delingen quttyqtaýda.