Búgin Shymkent qalasyndaǵy OQMÝ bazasynda alǵash ret jetekshi ǵalymdar men dárigerler arasynda «Reseı Federasııasy transplantologııasyndaǵy aktýaldy suraqtar men Shymkenttegi jedel qyzmettiń damýy» taqyrybynda úsh kúndik halyqaralyq ǵylymı-tájirıbelik konferensııa óz jumysyn bastady, dep habarlaıdy Egemen.kz.
Konferensııaǵa Qazaqstan, Reseı, Qyrǵystan, О́zbekstan eliniń mamandary qatysýda.
Konferensııanyń birinshi kúninde úsh jaqty memarandýmǵa qol qoıyldy. Yntymaqtastyq týraly úsh jaqty kelisim Reseı Federasııasy jáne Qazaqstannyń ǵalymdary men dárigerlerine tájirıbe almasýǵa, transplantologııa salasyndaǵy jetistikterin tanystyrýǵa, sheberlik deńgeıin arttyrýǵa múmkindik beretin bolady.
Eń bastysy qaladaǵy jedel medısınalyq kómek kórsetetin mamandar Máskeý qalasyndaǵy N.V.Sklıfosovskıı atyndaǵy jedel járdem ǵylymı-zertteý ınstıtýtynda biliktiligin arttyratyn bolady.
Aıta keteıik, konferensııa barysynda reseılik mamandarmen kúrdeli ota jasaý boıynsha jergilikti dárigerlerge sheberlik sabaqtary uıymdastyrylady.