Saqtandyrý naryǵyndaǵy ahýal

Naryqtyń bul salasyn­da­ǵy jaǵdaı týraly Qa­zaq­stan qarjygerler qaýym­das­tyǵy zertteý jasaǵan. Byltyr sektordyń taza saq­tan­dyrý syılyqaqylary 12,1 paıyzǵa ulǵaıyp, 473,8 mlrd teńgeni qurady, al taza saqtandyrý tólemderi 2,7 paıyzǵa nemese 101,2 mlrd teńgege deıin qys­qar­­ǵan. Syıaqynyń ósýi sek­tor tabysynyń eselep artýyna serpin berdi. Ná­tıjesinde, sektor tabysy 458,1 mlrd teńgege deıin kóbeıgen. Saqtandyrý jáne ınvestısııalyq qyz­met­ter áseri ǵana emes, saq­tan­­dyrý tólemderiniń azaıýy da (onyń ishinde ka­ran­­tın shekteýlerine baılanysty jáne saq­tan­dy­rý tólemderiniń tómendeýi sebepti) sektor tabysynyń óse túsýine yqpalyn tıgiz­gen. Bul rette taza paıda – 114,2 mlrd teńge. 2019 jyl­men salystyrǵanda 45,7 paıyzǵa joǵary. In­ves­­tısııalyq tabystyń 76,8 mlrd-tan 128,0 mlrd teń­ge­ge deıin ulǵaıýy sektor paı­da­synyń ósýine yqpalyn tıgizgen.

«Sektor aktıvteriniń qu­ry­lymynda eń kóp úles­ti baǵaly qaǵazdar alady (barlyq aktıvterdiń 69 paıyzy). Baǵaly qaǵazdar port­fe­liniń ósýi (+33 paıyz) jáne onyń oń valıýtalyq qaıta baǵalanýy sektordyń ınvestısııalyq qyzmetten túsetin kirisiniń ulǵaıýyna (+67 paıyz) alyp keldi» de­lingen qaýymdastyq aqpa­ratynda.

Bir qyzyǵy, qyzmetterdiń jap­paı onlaın formatqa kóshýi dál osy saqtandyrý sek­­­toryna oń áserin tıgi­zipti.