AQSh-tyń prezıdenti Donald Tramp Taıaý Shyǵystaǵy shıelenis ýshyǵa tússe, Irannyń strategııalyq mańyzy zor Ońtústik Pars gaz ken orny tolyq joıylýy múmkin ekenin málimdedi. Ol bul týraly Truth Social áleýmettik jelisinde jazdy, dep habarlaıdy Egemen.kz.
Tramptyń aıtýynsha, AQSh Qatarǵa baǵyttalǵan naqty shabýyl týraly aldyn ala eshqandaı málimet bilmegen.
«Amerıka Qurama Shtattary bul naqty shabýyl týraly eshteńe bilgen joq, al Qatar oǵan eshqandaı qatysy bolmaǵan ári mundaı oqıǵanyń bolatynyn múlde bilmegen», dedi ol.
Donald Tramp: Iranǵa qarsy soǵysta AQSh-qa NATO elderiniń kómegi qajet emes
Sondaı-aq ol Izraıldiń bul ken ornyna budan bylaı soqqy jasamaıtynyn jetkizdi. Alaıda Tramp Iran tarapynan qandaı da bir arandatýshylyq áreket oryn alsa, jaýaptyń tym qatal bolatynyn eskertti.
«Eger Iran bul jaǵdaıda múlde kinásiz Qatarǵa aqylǵa syımaıtyn shabýyl jasaýǵa bel býsa, onda Amerıka Qurama Shtattary Izraıldiń kómegimen nemese onsyz Ońtústik Pars ken ornyn buryn-sońdy bolmaǵan kúshpen jáne qýatpen joıyp jiberedi», dedi ol.
Ormuz buǵazy: Iran shart qoıdy, álem energetıkasy alańdaýly
Aıta keteıik, Taıaý Shyǵystaǵy jaǵdaıdyń qaıta shıelenisýine Izraıl qarýly kúshteriniń Parsy shyǵanaǵynda ornalasqan Irannyń Ońtústik Pars gaz ken ornyna soqqy berýi túrtki boldy. Bul áreketti Qatar men Birikken Arab Ámirlikteri aıyptap úlgerdi.
Izraıl Irannyń Ulttyq qaýipsizdik keńesiniń hatshysy qaza tapqanyn málimdedi
Sarapshylardyń pikirinshe, energetıkalyq mańyzy zor nysandarǵa baǵyttalǵan mundaı shabýyldar aımaqtaǵy turaqtylyqqa ǵana emes, jahandyq gaz naryǵyna da áser etýi yqtımal.