Sınoptıkterdiń boljamynsha, Qazaqstanda aldaǵy úsh kúnde kún jylynady. 19 naýryzda eldiń basym bóliginde jaýyn-shashynsyz, shýaqty aýa raıy bolady jáne aýa temperatýra birtindep joǵarylaıdy, dep jazady Egemen.kz.
Elordada kún qubylmaly bultty bolǵanymen, jaýyn-shashyn kútilmeıdi. Túnde jáne tańerteń tuman túsip, kóktaıǵaq bolýy múmkin. Aýa temperatýrasy túnde 8-10 gradýs aıaz, kúndiz 1-3 gradýs jyly.
Almatyda kún qubylmaly bultty. Kúndiz aýa 13-15 gradýsqa deıin jylıdy. Ile Alataýynyń taýly aımaqtarynda jel kúsheıip, 9-14 m/s-qa jetedi. Al túnde 3-8 gradýs aıaz, kúndiz 3-8 gradýs jyly bolady.
Shymkentte kún raıy turaqsyz: tańerteń jáne kúndiz jańbyr jaýyp, naızaǵaı oınaıdy. Jeldiń ekpini 15-20 m/s-qa deıin kúsheıedi. Aýa temperatýrasy túnde 4-6, kúndiz 16-18 gradýs jyly.
Aqmola oblysynda jaýyn-shashynsyz, biraq qubylmaly aýa raıy saqtalady. О́ńirde túnde jáne tańerteń tuman túsip, joldarda kóktaıǵaq bolýy yqtımal. Túnde 7-12 gradýs aıaz, kúndiz 1-6 gradýs jyly.
Kókshetaý qalasynda da aýa raıy qubylmaly. Túnde jáne tańǵy ýaqytta tuman túsip, kóshelerde taıǵaq bolady. Shaharda túnde 2-4 gradýs aıaz saqtalsa, kúndiz 4 gradýsqa deıin jylynady.
Almaty oblysynda kún ashyq, jaýyn-shashynsyz. Keı jerlerde tuman túsedi. Kúndiz aýa temperatýrasy 13-18 gradýsqa deıin kóteriledi, al taýly óńirlerde 3-8 gradýs jyly. Qonaevta da kún jyly ári jaıly bolady.
Jetisý oblysynda jaýyn-shashynsyz, biraq Alakól mańynda jeldiń ekpini 15-20 m/s-qa jetýi múmkin. Taldyqorǵanda kúndiz 11-13 gradýs jyly.
Túrkistan oblysynyń ońtústigi men taýly aımaqtarynda jańbyr men naızaǵaı kútiledi. Soltústiginde tuman bolady. Al Túrkistan qalasynda kún ashyq, aýa temperatýrasy kúndiz 18-20 gradýsqa deıin kóteriledi.
Elimizdiń batys óńirinde aldaǵy kúnderi jaýyn-shashynsyz, biraq qubylmaly aýa raıy ornamaq. Oralda kúndiz 3-5 gradýs jyly.
Atyraý oblysynda kún ashyq, jaýyn-shashynsyz. Kúndiz 10-15 gradýs jyly. Aqtaýda túnde azdaǵan jańbyr jaýýy múmkin, kúndiz 15-17 gradýsqa deıin jylıdy.
Sınoptıkterdiń boljamynsha, aldaǵy kúnderi Aqtóbe oblysynyń basym bóliginde jaýyn-shashynsyz, biraq qubylmaly aýa raıy saqtalady. Kúndiz aýa 6-8 gradýs jyly. Qostanaı jáne Pavlodar oblystarynda da negizinen qurǵaq aýa raıy saqtalady, degenmen keı jerlerde tuman men kóktaıǵaq bolady.
Soltústik Qazaqstan oblysynda aýa raıy qubylmaly: keı jerlerde qar, jańbyr aralas jaýyn-shashyn, burqasyn jáne kóktaıǵaq kútiledi. Jeldiń ekpini 15-20 m/s-qa deıin jetedi.
Qaraǵandy, Ulytaý óńirlerinde jaýyn-shashynsyz, biraq tuman men kóktaıǵaq baıqalady. Kúndiz aýa temperatýrasy 3-9 gradýs jyly shamasynda.
Shyǵys Qazaqstan men Abaı oblystarynda keı jerlerde qar aralas jańbyr jaýady. Shyǵysta túngi aıaz 15-20 gradýsqa deıin kúsheıýi múmkin.
Qyzylorda jáne Jambyl oblystarynda kún jyly: kúndiz 15-20 gradýsqa deıin kóteriledi. Taýly aımaqtarda jańbyr men naızaǵaı bolýy yqtımal.
Eske sala keteıik, keshe birqatar óńirde aýa raıy kúrt qubyldy.