Almatyda Sulpak dúkeni aldyndaǵy aǵashtardyń otalýyna qatysty is sotqa berildi. Basty sot talqylaýy 19 naýryzda Almaly aýdandyq sotynda ótedi, dep habarlaıdy Egemen.kz.
QR QK 339-baby sırek kezdesetin, joıylý aldynda turǵan ósimdik túrlerin, janýarlardy, olardyń derıvattary men men bólshekterin zańsyz paıdalaný áreketterin qarastyrady.
«Janna Nurtaevaǵa qatysty Qylmystyq kodekstiń 339-babynyń 2-bólimimen qozǵalǵan qylmystyq is óndiriske qabyldandy», delingen sot qaýlysynda.
Basty sot talqylaýy 19 naýryzda Almaly aýdandyq sotynda ótedi. Sot prosesi ashyq túrde ótedi. Aıyptalýshyǵa qatysty bultartpaý sharasy sol kúıinde qalady.
Eske sala keteıik, 23 qarashada Almatydaǵy Sulpak saýda úıiniń aldyndaǵy qaraǵashtar zańsyz otalǵan bolatyn. Bul oqıǵa kópshiliktiń narazylyǵyn týdyrǵan edi. Qala ákimi Baqytjan Saǵyntaev pen Prezıdent Qasym-Jomart Toqaev aıyptylarǵa qatysty qatań jaza qoldanýdy tapsyrǵan bolatyn.