Búgin QR Indýstrııa jáne ınfraqurylymdyq damý mınıstri Beıbit Atamqulov Májilis qaraýyna «Eýrazııalyq ekonomıkalyq odaq sheńberinde baǵaly metaldarmen jáne asyl tastarmen operasııalardy júzege asyrý erekshelikteri týraly kelisimdi ratıfıkasııalaý týraly» zań jobasyn usyndy.
Kelisim Eýrazııalyq ekonomıkalyq odaqqa múshe memleketterdiń básekelestik artyqshylyqtaryn qurýǵa, Odaq sheńberinde baǵaly metaldar men tastardyń erkin aınalymy úshin jaǵdaı jasaýǵa, sondaı-aq osy salada tıimdi sharalar ázirleý úshin ózara is-qımyl jasaýǵa baǵdarlanǵan ózara tıimdi saýda-ekonomıkalyq tetikterdi qalyptastyrýǵa baǵyttalǵan.
Kelisim 18 baptan turady jáne:
- baǵaly metaldarmen, óńdelmegen asyl tastarmen mámilelerdi júzege asyrý;
- Kımberlıı prosesiniń talaptaryna sáıkes múshe memleketter arasynda óńdelmegen tabıǵı almastardyń tasymaldanýy;
- mámileler jasaý jáne asyl tastardyń synyptamalyq jáne qundyq sıpattamalaryn anyqtaý;
- zańdy tulǵalar men jeke kásipkerlerde túziletin synyqtar men qaldyqtardy jınaý jáne mindetti esepke alý;
- EAEO ishinde ákelingen nemese óndirilgen zergerlik jáne basqa da buıymdardy synamalaý, taldaý jáne tańbalaý;
- zańnamalyq jáne ózge de normatıvtik quqyqtyq aktiler jáne ýákiletti organdar arasyndaǵy synamalyq tańbalar bederleriniń úlgileri týraly aqparat almasý;
- baǵaly metaldar men asyl tastardyń zańsyz aınalymy úshin jaýapkershilik sharalaryn qoldaný.
Kelisimde zergerlik buıymdarmen ózara saýdada EAEO-ǵa múshe memleketterdiń synamalyq tańbalaryn ózara taný bekitiledi. Eger zergerlik buıym Qazaqstan aýmaǵynda daıyndalsa jáne synaqtan ótkizilse, bul buıymdy Odaq elderinde ótkizý kezinde qaıta synamalaý talap etilmeıdi.
Sondaı-aq, Kelisim ulttyq jáne memleketaralyq sapa standarttarynyń talaptaryn moıyndaıdy jáne qatysýshy memleketterde óndiriletin altyndy satyp alýǵa basym quqyǵyn bekitedi.
Jalpy, Kelisim normalary EAEO elderi aýmaǵynda baǵaly metaldarmen jáne tastarmen operasııalardyń tolyq esebin júrgizýge jáne sybaılas jemqorlyqqa qarsy is-qımyl jasaýǵa múmkindik beredi.
Eýrazııalyq ekonomıkalyq odaq sheńberinde baǵaly metaldarmen jáne asyl tastarmen operasııalardy júzege asyrý erekshelikteri týraly kelisimge EAEO-ǵa qatysýshy elder 2019 jylǵy 22 qarashada Máskeýde qol qoıdy.
Búgingi tańda Belarýs pen Reseı Kelisimniń kúshine ený sharalaryn aıaqtady. Armenııa men Qyrǵyzstanda joba Parlamentteriniń qaraýynda jatyr.