QR Ishki ister mınıstri Erlan Turǵymbaev Senattaǵy polısııa qyzmetine qatysty Úkimet saǵatynda serjanttar, kınologtar, ýchaskelik polısııa kómekshileriniń jalaqysy ósetinin málimdedi. Mınıstrdiń aıtýynsha, Prezıdent tapsyrmasymen qyzmetkerlerdiń eńbekaqysyn kezeń-kezeńimen ósirý jumystary osy jyly bastalady, dep jazady Egemen.kz
E.Turǵymbaevtyń aıtýynsha, birinshi kezeńde, ıaǵnı 2021 jyldan bastap serjanttar, kınologtar, ýchaskelik polısııa kómekshileri, kúzet jáne basqa qyzmetterge jalaqy 3 jyl ishinde 15 paıyzdan 58 paıyzǵa deıin kóteriledi. Qalǵan qyzmetkerlerdiń jalaqysy osy kezeńde 30 paıyzǵa ósedi.
«Turǵyn úı úshin ótemaqy alatyn bólinister sany 27 paıyzdan 78 paıyzǵa deıin ósti. Endi 23 myń qyzmetker ótemaqy alatyn bolady», dedi mınıstr.
Sondaı-aq ol ishki ister salasynda kadr daıyndaý máselesine erekshe mán berilip otyrǵanyn alǵa tartty.
«Aldymen, vedomstvolyq bilim berý júıesi ózgerdi. 12 oqý ornynyń altaýy qaldy. Olar: Almaty, Qaraǵandy, Qostanaı akademııalary, Aqtóbe zań ınstıtýty, sondaı-aq Shymkent jáne Pavlodar oqý ortalyqtary. IIM Almaty akademııasynda 2 fakýltet ashyldy. Basshylar men orta býyn basshylaryn daıarlaıdy. Qosymsha reıtıngi joǵary oqý oryndarymen 33 memorandým jasaldy», dedi ol.