Shyǵys Qazaqstanda jyl basynan beri qyzmettik ıtterdiń kómegimen 30-dan astam qylmys ashylǵan, dep habarlaıdy Egemen.kz
Búginde oblys polısııasynda 80-nen astam ıt qyzmet atqarady. Onyń ishinde 41 ıt izge túsýge, 14-i esirtki izdeýge, 13-i jarylǵysh zattardy izdeýge tartylǵan. Sonymen qatar, shabýyldaýǵa, aıdaýylǵa jáne kúzetke úıretilgen ıtter bar. Munda «tórt aıaqty polıseıler» qylmys oryn alǵan jerlerge jıi shyǵyp, «izin sýytpaı» qylmyskerdi izdeýge, jarylǵysh zattardy, esirtkiler men oq-dárilerdi izdeýge qatysady
2021 jyly ınspektor-kınologtar qyzmettik-izdestirý ıtterimen birge 900-den astam oqıǵa ornyna shyqqan.
– Jyl basynan beri qyzmettik-izdestirý ıtteri 32 qylmysty ashýǵa qatysty. Onyń ishinde esirtki zattardyń zańsyz aınalymyna baılanysty 16 qylmys. Arnaıy operasııalardy ótkizý kezinde zańsyz aınalymnan shamamen 500 gramm esirtki tárkilengen bolatyn. Krımınaldyq polısııa jelisi boıynsha 16 qylmys ashyldy, – dedi ShQO PD kınologııalyq qyzmet ortalyǵy bastyǵy polısııa kapıtany О́mirzaq Kasaınov.
Shyǵys Qazaqstan oblysy