Nur-Sultan qalasynyń Bilim basqarmasy basshysynyń orynbasary Rımma Imanǵazınova oqýshylardyń aldaǵy kóktemgi demalysyn paıdaly ótkizý úshin onlaın is-sharalar uıymdastyrylatynyn málim etti, dep habarlaıdy Egemen.kz qala ákimdiginiń resmı saıtyna silteme jasap.
«Biz úshin mańyzdy máselelerdiń biri oqýshylardyń 20 naýryzda bastalyp, 31 naýryzǵa deıin sozylatyn kóktemgi kanıkýldy ótkizý máselesi bolyp sanalady. Kanıkýl «Qazaqstan balalary – Kóktemgi tamshy!» uranymen ótedi», dedi Bilim basqarmasynyń ókili.
Sondaı-aq ol kanıkýl kezinde oqýshylardyń paıdaly jáne belsendi qyzmetin uıymdastyrý úshin onlaın rejımde ótetin is-sharalar jospary ázirlengenin aıryqsha atap ótti.
«Aldymyzda mereke kúnderi, ıaǵnı balalarymyzdyń kóktemgi kanıkýly kele jatyr. Barlyqtaryńyzǵa jaqsy demalys jáne jaqsy kóńilmen tórtinshi toqsanda jalǵastyrýdy tileımin! Epıdemıologııalyq jaǵdaıǵa baılanysty sanıtarlyq normalardy qatań saqtaýlaryńyzdy suraımyn», dedi ol.