Nur-Sultan qalasynyń bas memlekettik sanıtarlyq dárigeri Sarhat Beısenova mereke kúnderinen keıin koronavırýs ınfeksııasynyń kórsetkishi artqanyn málim etti, dep habarlaıdy Egemen.kz elorda ákimdiginiń resmı saıtyna silteme jasap.
«Sońǵy aptada aýyrǵandar sanynyń ósýine baılanysty Nur-Sultan qalasynda COVID-19 ınfeksııasy turaqsyz dep baǵalanady, tirkelgender sany kúnine 70-ten 143 jaǵdaıǵa deıin aýytqyp otyr. Sońǵy aptada syrqattaný deńgeıi aldyńǵy aptadan bastap 9,9%-ǵa joǵary. 100 myń turǵynǵa shaqqandaǵy qarqyndy kórsetkish – 59,25 reprodýktıvtik sany 1,055-ti qurady. 10 naýryzdan bastap qala epıdemııalyq jaǵdaıdy baǵalaý matrısasy boıynsha «qyzyl aımaqqa» ótti», dedi Sarhat Beısenova.
Onyń aıtýynsha koronavırýstyq ınfeksııany tirkeýdi jalǵasýynyń negizgi sebepteri burynǵysynsha turǵyndardyń karantındik is-sharalardy saqtamaýy, ıaǵnı adam kóp jınalatyn oryndarǵa barýy, betperde taǵýdy eskermeýi, aýyrǵandar, ne olarmen jaqyn baılanysta bolǵan adamdardyń da úı karantındik rejımin saqtamaýy bolyp sanalady.
«Merekeden keıin ádette koronavırýstyń oń jaǵdaılaryn tirkeý sany kóbeıetinin eskere otyryp, buqaralyq sharalar ótkizýge tyıym salynǵanyn eske salamyz. Onyń ishinde, «Naýryz» meıramyn jappaı atap ótýge, sondaı-aq qyzmeti qaıta jandanbaǵan nysandarǵa barýǵa tyıym salynǵan. Sanıtarlyq normalardy qatań túrde saqtaý, ıaǵnı maska kııý, áleýmettik qashyqtyqty saqtaý qajet», dedi elordanyń bas memlekettik sanıtarlyq dárigeri.