Qara boranda joldyń shetin kórmeı Shal aqyn aýdanynyń ortalyǵyndaǵy dúkenderge azyq-túlik apara jatqan «Foton» júk kóligi kıývetke qulaǵan, dep habarlaıdy Egemen.kz
Kólikte júrgizýshiden basqa ekspedıtor men saýda ókili bolǵan. Eshkim zardap shekken joq.Júk kóligin patrýldik polısııa ekıpajy jergilikti «Stımýl» JShS qar tazalaǵysh, júk tıegish jáne tartqyshymen zorǵa shyǵaryp aldy. «Foton»-dy júkten bosatýǵa týra kelgen, tek osydan keıin ǵana kólikti jolǵa shyǵarý múmkin boldy.
«Kómektiń jyldam kórsetilýin qamtamasyz etkenderińizge alǵysym sheksiz», dep rızashylyǵyn bildirdi polıseılerge kólik júrgizýshisi.
Al Taıynsha aýdanynda polıseıler jol jıegine shyǵyp ketken, Kókshetaýdan Túmenge bet alǵan «DAF» aýyr júk kóligin jolǵa shyǵarý úshin «Qazavtojol» JShS júgindi.
SQO Polısııa departamenti patrýldik polısııa batalony komandıri polısııa podpolkovnıgi Erlan Mádıev: «Qubylmaly aýa raıy júrgizýshilerge qıyndyq jasaıdy. Jolda asa saq bolýǵa, jol qozǵalysy erejelerin qatań saqtaýǵa shaqyramyz. Joldardyń jabylǵany jáne aýa raıynyń qolaısyzdyǵy týraly eskertetin TJ qyzmetiniń jáne polısııanyń habarlamalaryn nazardan tys qaldyrmańyzdar», dedi.