Ulttyq Bank 2006 jylǵy úlgidegi banknottardy aıyrbastaý úshin sheksiz merzim belgileýge baılanysty josparlarymen tanystyrdy, dep jazady Egemen.kz.
Jıyn barysynda belgili bolǵanyndaı banknottardy, onyń ishinde 2006 jylǵy úlgidegi banknottardy aıyrbastaýdyń merzimsiz kezeńin engizý týraly sheshim qabyldanypty. Mundaı tájirıbeni engizý jumystary ótken jyldyń sońynda bastalǵan.
Kórsetilgen merzimnen keıin ekinshi deńgeıdegi bankter úshin eski úlgidegi aqsha belgilerin jańa úlgidegi aqsha belgilerine aıyrbastaý kezeńi 3 jyl ishinde, al QRUB fılıaldary úshin merzimsiz kezeń belgilenedi.
Banknottardy merzimsiz aıyrbastaý boıynsha qosymsha aqparat Ulttyq Banktiń aktilerine tıisti ózgerister engizilgen soń Ulttyq Banktiń resmı saıtynda jáne buqaralyq aqparat quraldarynda ornalastyrylady.
El azamattary banknottardy Ulttyq Banktiń aktilerine tıisti ózgerister engizilgen soń Ulttyq Banktiń fılıaldarynda ulttyq valıýtanyń qoldanystaǵy aqsha belgilerine aıyrbastaı alady.
Banknottardyń aıyrbastalýyn jańartý jónindegi aqparat Ulttyq Banktiń resmı saıtynda jáne buqaralyq aqparat quraldary arqyly habarlanady. Sondaı-aq Ulttyq bank banknottardy aınalymnan alý týraly sheshimdi ne sebepti qabyldaǵanyn da túsindirip berdi.
Ulttyq Banktiń negizgi mindetteriniń biri – ulttyq valıýtanyń aqsha belgilerin qoldan jasaýdan qorǵaý bolyp tabylady. Tehnologııalyq progrestiń údeı túsýine oraı halyqqa ajyratý qıynǵa túsetin jalǵan aqsha belgileriniń paıda bolý yqtımaldyǵy artady.
Osyǵan baılanysty Ulttyq Bank ulttyq valıýtanyń aqsha belgileriniń qorǵanysh qasıetterin kúsheıtý jumysyn júrgizedi jáne qoldan jasaýdan barynsha qorǵalǵan banknottardy shyǵarady.