Pavlodar qalasynda zeınetkerdi qoǵamdyq kólikten ıterip shyǵaryp jibergen kondýktor buzaqylyq úshin jaýapqa tartylady, dep habarlaıdy Egemen.kz
Osyǵan baılanysty avtopark qyzmetkeri qart jolaýshymen tóbeleskeni úshin on táýlikke deıin qamaýǵa alynady.
Instagram jelisinde jarııalanǵan kondýktordyń beınejazbasyn tártip saqshylary tekserdi. Onda áıel beıádep sózder aıtyp, zeınetkerdi avtobýstan ıterip shyǵaryp jiberedi.
«Kondýktorǵa qatysty QR ÁQBtK-niń 434-baby boıynsha ákimshilik is qozǵaldy. Materıal mamandandyrylǵan ákimshilik sotqa joldandy», dedi Pavlodar oblysy polısııa departamentiniń baspasóz qyzmeti ókili. Bul bap boıynsha bes aılyq eseptik kórsetkish mólsherindegi aıyppul nemese on táýlikke deıingi qamaý jazasy taǵaıyndalǵan.