Mektepterde balalardyń ata-analarynyń kelisiminsiz bıometrııalyq derekterdi jınaý jáne oqýshylardy belgisiz baǵytta alyp ketý jaǵdaılary týraly habarlama qazaqstandyqtardyń alańdaýshylyǵyn týdyrdy. Bilim jáne ǵylym mınıstrligi atalǵan aqparatty joqqa shyǵardy, dep habarlaıdy Egemen.kz stopfake.kz saıtyna silteme jasap.
Áleýmettik jelilerde ata-analarǵa balalardy pedagogtardan jasyrynýǵa úıretýge keńes berilýde. О́ıtkeni mektepterde jasyryn túrde balalardyń bıometrııalyq málimetteri alynady jáne olardy kez kelgen ýaqytta sabaqtan belgisiz baǵytta alyp ketýi múmkin. Bul aqparat shyndyqqa janaspaıdy.
«Balaǵa qatysty barlyq is-áreketter ata-analarmen kelisilýi kerek. Bul rette sabaq kezinde qandaı da bir is-sharalar ótkizýge jol berilmeıdi. Pedagogtarǵa bıometrııalyq derekterdi jınaýdyń qajeti joq», dep habarlady QR BǴM.
Qazaqstanda jalǵan aqparat taratqany úshin QR Qylmystyq kodeksiniń 274-babyna sáıkes qylmystyq jaýapkershilik qarastyrylǵan. Barshańyzdy tek resmı aqparatqa ǵana senýge shaqyramyz.