Fransııanyń soltústik-batysyndaǵy Bretan aýdanynda koronavırýs indetiniń jańa túri anyqtaldy, dep habarlaıdy Egemen.kz
Eldiń densaýlyq mınıstrligi ol adam densaýlyǵyna asa qaýipti emes ekenin alǵa tartady.
Dese de, aýrýdyń bul túrin anyqtaý qıynǵa soqqan. Vırýsty juqtyrǵan adamdarda SARS-CoV-2-niń sımptomdary baıqalǵan. Eń qyzyǵy, PTR test synamalarynyń nátıjesi teriske shyqqan.
«Koronavırýstyń jańa túri Kot-d`Armor departamentiniń Lanon ortalyǵynda aýrýhanadan tirkeldi. 13 naýryzda 79 jaǵdaı belgili bolyp, onyń 8-i koronavırýstyń jańa túrinen tabylǵan. Olar sekvestrleý arqyly anyqtaldy», deıdi densaýlyq mınıstrliginiń ókili.
Aldyn ala málimet boıynsha, mamandar onyń «qaýipsizdigi men adamǵa taraýy týraly» áli sheshim shyǵarmaǵan. Mamandar vırýsty zertteýmen aınalysyp jatyr jáne vırýstyń bul túri «aldyńǵy vırýs kezinde qalyptasqan antıdene men vaksınasııaǵa» qalaı áser etetinin zertteıdi.
Sol sebepti el bıligi koronavırýstyń jańa túri týraly aqparatty halyqaralyq densaýlyq saqtaý organdaryna jibergen.