Memleket basshysy Qasym-Jomart Toqaevtyń jerdi sheteldikterge satpaý jáne jalǵa bermeý jónindegi sheshimin qoldaımyz. Jer – ata-babalarymyzdan urpaqqa mıras bolyp qalǵan asyl mura.
Shyn máninde, bul jerge ıelik etý bizdiń paryzymyz. О́ıtkeni osy jerimizdi qorǵaý úshin qansha ómir qıylyp, qansha qan tógildi deseńizshi.
Sondyqtan Prezıdenttiń zań jobasyn Parlamentke qaıta jiberýi durys qadam boldy. О́zim aýylsharýashylyq salasynda eńbek etemin. Jerdiń qadirin túsinetin azamattardyń birimin. Búginde sharýashylyqty úlken kásipke aınaldyryp otyrmyz.
Soltústik Qazaqstan oblystyq Jer komıssııasynyń múshesi retinde kóp azamatymyzdyń atakásipti jalǵastyryp, nátıjesinde búginde úlken-úlken qojalyqtar qurylǵanyn kórip júrmiz. О́zim de bir sharýa qojalyǵyna ıelik etemin. Otbasymdy asyraıtyn tabys kózim – jer. Jalpy, jer kıeli. Bul – bizdiń atalarymyz, ákelerimiz ósken topyraq. Qazir ony biz basyp júrsek, keleshekte bizdiń urpaǵymyzǵa kerek.
Atalarymyz qaldyrǵan jerdi urpaǵymyzǵa tabystaý, amanattaý paryzymyz. Jer – halyqtyń qazynasy. Sondyqtan ony satý durys emes. Ult bolyp uıysý, halyq bolyp qalyptasý úshin jer kerek. Qaı halyq úshin de jerdiń qadiri joǵary.
Al talaıdyń talqysyna túsken bul máselege Prezıdenttiń núkte qoıýy kópshilikti qýantty degen oıdamyn. Sharýalar atynan biz de bul sheshimdi qoldaımyz.
Erkebulan MAMBETOV,
«Mambetov ı K» qojalyǵynyń dırektory,
Soltústik Qazaqstan oblystyq Jer komıssııasynyń múshesi