Shyǵysta qys áli de álek salyp tur. 18 naýryzda qutqarýshylar qar qursaýynda qalǵan eki balasy bar áıeldi evakýasııalady, dep habarlaıdy Egemen.kz
Demalys bazasynan jeke kóligimen shyǵa almaǵan azamatsha dereý 112 jedel arnasyna habar bergen. Jergilikti mańyzy bar «Altaı-Chıstye Klıýchı» jolynda qutqarýshylardyń kúshimen, jol talǵamaıtyn kóliktiń kómegimen jolda turyp qalǵan jolaýshylarǵa kómek qolyn sozyp, Altaıka aýylyna deıin jetkizdi. Olardyń ómiri men densaýlyǵyna tóngen esh qaýip joq.
Osy oraıda TJD qyzmetkerleri qolaısyz aýa raıy jaǵdaıynda eldimekennen alys shyǵýǵa bolmaıtynyn eske salady.