Tórtinshi qurama bitimgerlik rotasy Lıvan Respýblıkasynan elge oraldy. Jaqynda ǵana olardy «BUU-nyń Lıvandaǵy ýaqytsha kúshteri» quramyndaǵy mıssııany oryndaý úshin qazaqstandyq besinshi bitimgerlik kontıngenti almastyrdy.
Búgin Almaty qalasyndaǵy halyqaralyq áýejaıǵa Qazaqstan Qarýly Kúshteriniń tórtinshi qurama rotasy mingen bort kelip qondy. Áskerı qyzmetshiler 2020 jyldyń tamyz aıynan bastap BUU-nyń mandatyna sáıkes Lıvandaǵy úndi batalonynyń quramynda mindetterin atqaryp keledi.
Mıssııa basshylyǵy, sheteldik áriptester men baqylaýshylar el áskerı qyzmetshileri ózderin jaýapkershiligi mol, joǵary bilikti maman retinde tanytqandaryn birneshe márte atap ótken.
– «BUU-nyń Lıvandaǵy ýaqytsha kúshteri» mıssııasynyń basshylyǵy sizderdiń kásibı sheberlikterińizdi joǵary baǵalady. Adal qyzmetterińiz ben joǵary jaýyngerlik daıarlyqtyń nátıjesinde Otanymyzdyń ǵana emes, sonymen qatar búkil álemge patrıotızm men áskerı qyzmetti joǵary deńgeıde uıymdastyrýdyń jáne jaýyngerlik ázirliktiń úlgisin kórsettińizder. Álem arenasynda elimizdiń bedelin nyǵaıtý úshin Qazaqstannyń atynan bitimgerlik mıssııaǵa qatysýdyń mańyzy zor. Sizder osy mıssııaǵa aýqymdy úles qostyńyzdar, - dedi Desanttyq-shabýyldaý áskerleriniń basshysy general-maıor Qanysh Ábýbákirov.
Jýyrda Lıvan Respýblıkasyna besinshi bitimgerlik kontıngenti ketti. Barlyq áskerı qyzmetshiler muqııat tekserýden ótken. Bitimgerlerdiń ystyq klımatta, kúrdeli sanıtarlyq-epıdemıologııalyq jaǵdaıda oryndaıtyn qyzmetin eskere otyryp, olardyń densaýlyǵy men moraldyq-psıhologııalyq turaqtylyǵyna basa nazar aýdarylady. Irikteý barysynda dene daıarlyǵy, aǵylshyn tilin meńgerýi, sondaı-aq Qarýly Kúshter qataryndaǵy qyzmet tájirıbesi eskeriledi.
Lıvanǵa sapar aldynda kontıngent bir aı ýaqyt boıy karantınde bolyp, usharǵa eki kún qalǵanda PTR test tapsyrdy.
Qazaqstan kontıngenti Izraıl memleketiniń shekarasyndaǵy Ońtústik Lıvanǵa qarasty UNIFIL bazalarynyń birine ornalastyrylmaq.
Kún saıyn qazaqstandyq áskerı qyzmetshiler úndi bitimgerlerimen birlesip 50-ge jýyq mindetti oryndaýy tıis. Atap aıtsaq, jergilikti jerdi patrýldeý, baqylaý beketterin, blok-beketterdi uıymdastyrý men mıssııanyń basqa da is-sharalaryna qatysý.