Búgin Almaty qalasyna jumys sapary barysynda Densaýlyq saqtaý mınıstri Alekseı Soı sanepıdbaqylaý, medfarmbaqylaý aýmaqtyq departamentteri mamandarynyń qatysýymen KVI-men kúres jónindegi shtabtyń kóshpeli otyrysyn ótkizdi, dep habarlaıdy Egemen.kz Densaýlyq saqtaý mınıstrligine silteme jasap.
Mınıstr óz sózinde qaladaǵy epıdemııalyq ahýaldy baqylaýdyń jetkiliksizdigin tilge tıek etti. Osylaısha, A. Soı Almaty medısınalyq aktıviniń aldyna birqatar mańyzdy mindet qoıdy, olardy qysqa merzimde sheshý qajettigi de aıtyldy.
Atap aıtqanda, rezervtik aýrýhanalardyń qýattylyǵyn arttyrý, KVI taralýynyń algorıtmin ázirleý, shahardaǵy eresek halyqty vaksınamen barynsha qamtý úshin vaksınalardyń qosymsha kólemin jetkizý, dári-dármekpen qamtamasyz etý.
Mınıstr alǵashqy medısınalyq-sanıtarlyq kómek, naýqastarmen baılanysqa túsken adamdardy der kezinde qalalyq emhana deńgeıinde anyqtaý, tekserý jáne baqylaý sharalaryn júzege asyrýǵa basa nazar aýdardy. Ol koronavırýstyń taralý oshaqtaryn ýaqytyly zertteýdiń mańyzdylyǵyn atap ótip, KVI jaǵdaılarynyń baqylaýsyz ósýine sebep bolýy múmkin ekendigine ekpin berdi. Kezdesý barysynda naýqastarmen baılanysta bolǵan adamdardy ýaqytyly anyqtaý, olardyń densaýlyq jaǵdaıyn baqylaý jáne monıtorıng júrgizý qajetti aıtyldy.
Sondaı-aq monıtorıngtik toptar jumysynyń tıimdiligin arttyrý jáne karantındik sharalardy buzýshylarǵa ýaqtyly sharalar qabyldaý qajet.
Aldaǵy ýaqytta kelip túsetin vaksına kóleminiń ulǵaıýyn eskere otyryp, vaksınasııalaýǵa arnalǵan kontıngentti jáne vaksınasııa pýnktteriniń jetkiliksizdigin boldyrmaý, kóshpeli egý brıgadalaryn uıymdastyrý úshin tońazytqysh jabdyǵymen qamtamasyz etýdi baqylaý talap etiledi.
Sońǵy eki aptada Almatyda epıdemııalyq ahýaldyń nasharlaýy baıqaldy, naýqastanýshylardyń sany 2,7 esege ósti. Sonymen qatar jaǵdaıy aýyr naýqastardyń eń kóp úlesi alǵashqy táýlikte tirkeldi, bul alǵashqy medısınalyq-sanıtarlyq kómek kórsetetin uıymdardyń deńgeıindegi jumystyń jetkiliksizdigin kórsetedi.
Jalpy KVI-ge qarsy kúres jónindegi shtabtyń kóshpeli otyrysynyń qorytyndysy boıynsha mınıstr A. Soı shekteý sharalaryn qatań saqtaýdy qosa alǵanda, barlyq baǵyttar boıynsha ınfeksııany oqshaýlaý boıynsha jumysty kúsheıtýdi tapsyrdy.
25 naýryzdaǵy jaǵdaı boıynsha Almaty qalasynda COVID-19 oń nátıjesimen 31 307 naýqas jáne COVID-19 (PTR -) 5 498 yqtımal jaǵdaıy tirkelgen. 559 ólim jaǵdaıy tirkeldi (452 KVI+, 107 KVI-).
Sońǵy 7 kún ishinde 100 myń turǵynǵa shaqqanda KVI+ syrqattanýshylyq kórsetkishi-141,0 qurady, RT reprodýktıvti sany 1,11 qurady. Sońǵy táýlikte KVI+ 341 jaǵdaıy tirkeldi, ósim 1,1 qurady.
О́tken aptada (18 naýryzdan 24 naýryzǵa deıin) aldyńǵy aptamen salystyrǵanda (11 naýryzdan 17 naýryzǵa deıin) aýrýdyń 1,3 ese ósýi baıqalady (2 033-ten 2 659 jaǵdaıǵa deıin).
Aýrýdyń eń joǵary kórsetkishi Bostandyq, Áýezov, Medeý jáne Naýryzbaı aýdandarynda tirkeldi.