Qazaqtyń qyzdary qaı salada bolmasyn óziniń iskerligimen kópke úlgi bola bilgen. Sosıalıstik Eńbek Eri, ataqty mehanızator Kamshat Dónenbaeva sekildi apalarynyń jolyn jalǵap júrgen qyzdardyń biri retinde Jetisaı aýdany «Qyzylqum» eldi mekeniniń turǵyny Araı Asylbekqyzyn aıtýǵa bolady.
Ol qazirgi tańda Túrkistan qalasyndaǵy joǵary oqý ornynyń 1 kýrs stýdenti. Tis dárigeri mamandyǵy boıynsha bilim alyp jatyr.
- Qyzymnyń bala kezinen traktorǵa degen qyzyǵýshylyǵy boldy. On eki jasynan traktor aıdap úırendi. Uldarymnyń bireýi oqýda, bireýi jumysta júrgen kezde qasymda únemi serik bolyp kómektesip júrdi. Jer jyrtýdan bastap egistikke deıin qasymda júretin kómekshim deıdi, - ákesi Aqynshaev Asylbek.
- Bala kezden bastap jeńil kólikke qaraǵanda, osy tehnıkaǵa qyzyǵýshylyǵym kóp aýdy. Kúnine shamamen 10 gektarǵa deıin jer jyrtý, tyrmalaý sekildi jumystardy atqaramyn. Az kem tehnıkalyq aqaýlyqtaryn ózim jóndeı beremin. Tabıǵatyńa jat demeı úıretken ákem men aǵalaryma rahmetimdi aıtamyn deıdi, - traktorshy qyz Araı.