B.Saǵyntaev epıdemııalyq jaǵdaıdaǵy Almaty kásipkerlerimen birge karantın sharalarynyń tıimdiligin talqylady, dep habarlaıdy Egemen.kz.
Búgin onlaın formatta ótken aımaqtyq úılestirý keńesiniń otyrysynda Almaty qalasynyń ákimi Baqytjan Saǵyntaev kásipkerlermen karantın sharalaryn saqtaý jáne ShOB-qa qoldaý kórsetý máselelerin talqylady.
B. Saǵyntaev mýtasııaǵa ushyraǵan vırýs shtamynyń tarap, jaǵdaıdyń ýshyǵýyna baılanysty Almatydaǵy epıdemııalyq ahýaldyń kúrdeliligin atap ótti. Onyń aıtýynsha, taralý jyldamdyǵy jaǵynan qazirgi jaǵdaı ótken jazǵa qaraǵanda áldeqaıda kúrdeli.
Epıdemııa bastalǵaly beri qaýipti indetti qalada 32 597 adam juqtyrǵan.
1 qańtar men 27 naýryz aralyǵynda 14 856, 2020 jyly KVI-di juqtyrǵan 18521 naýqas tirkelgen. 27 naýryzda bir kúnniń ishinde koronavırýs ınfeksııasyn juqtyrǵan 510 naýqas tirkeldi (jergilikti), sonyń ishinde 415 naýqasta sımptomdy bolsa, 95-i sımptomsyz.
Osy rette B. Saǵyntaev barsha turǵyndarǵa karantındik sharalardy qatań saqtaýǵa, betperde kıip, áleýmettik araqashyqtyqty saqtaýǵa jáne kópshilik sharalardy ótkizýden, adam kóp shoǵyrlanǵan jerge barmaýǵa shaqyrdy.
Kezdesýde kásipkerler salyqty, jaldaý aqysyn men basqa da mindetti tólemderdi keıinge qaldyrý, sondaı-aq qarjylyq qoldaý sııaqty sharalardy usyný týraly suraqtar qoıdy. Bul máseleni ákimdik úkimetpen birge talqylaıdy. Qala ákiminiń tapsyrmasy boıynsha jazǵy alańdar men «Ashyq» jobasyna kiretin kompanııalardyń jumysyn qalpyna keltirý múmkindigi qarastyrylady.
Sonymen qatar, bıznes qaýymdastyq «Ashyq» jobasynyń fýnksıonaldyǵyn keńeıtý jáne vaksınasııalanǵan turǵyndarǵa densaýlyq pasportyn engizý týraly pikirler aıtty. Sondaı-aq, aımaqtyq úılestirý keńesiniń músheleri aldaǵy jappaı vaksınasııa naýqanyn qoldaýǵa daıyn ekendikterin bildirdi.