Megapolıs ákimi Baqytjan Saǵyntaev «Almaty» telearnasynda Akimat Live baǵdarlamasynyń tikeleı efırinde vaksınasııaǵa daıyndyq týraly habarlady, dep jazady Egemen.kz.
Qala turǵyndarynyń suraqtaryna jaýap bere otyryp, qala ákimi vaksınasııa pýnktteri tek emhanalarda ǵana emes, iri saýda ortalyqtarynda da ashylatynyn aıtty. Mobıldi pýnkterdiń jumysy da uıymdastyrylady.
B. Saǵyntaev qala turǵyndaryn ujymdyq ımmýnıtettiń qalyptasýyna jáne burynǵy qalypty ómirge oralýǵa múmkindik beretin vaksınasııany qoldaýǵa shaqyrdy.
«О́zińizdi KVI-den qorǵaýdyń jalǵyz senimdi tásili – vaksınasııa. Sáýir aıynda vaksına dozalarynyń jańa jetkizilýin kútemiz. Qala turǵyndarynyń sanyn eskere otyryp, 65 myń doza vaksınanyń belgili bir lımıti kóbeıtiledi» degen B. Saǵyntaev halyqty jappaı vaksınasııalaý sáýirdiń ekinshi jartysyna josparlanǵanyn aıtty.
Vaksınasııa QR Densaýlyq saqtaý mınıstrligi bekitken algorıtm boıynsha júzege asyrylady. Úsh kezeń anyqtaldy, oǵan sáıkes birinshi kezekte dárigerler, quqyq qorǵaý organdarynyń qyzmetkerleri, bilim berý jáne qaýipti toptarǵa jatatyn azamattar - sozylmaly aýrýlarmen esepte turǵan adamdarǵa vaksına salynady.