Megapolıs ákimi Baqytjan Saǵyntaev «Almaty» telearnasynda ótken «Akimat Live» baǵdarlamasynyń tikeleı efırinde jańa mýtasııalanǵan shtamtardyń paıda bolýyna baılanysty KVI boıynsha epıdemıologııalyq jaǵdaıdyń kúrdelengeni týraly habarlady, dep jazady Egemen.kz.
Júrgizýshilerdiń suraqtaryna jaýap bere otyryp qala ákimi iri qalalarda vırýstyń úshinshi tolqyny bastalǵanyn aıtyp, Almaty da qıyn kezeńdi bastan ótkerip jatqanyn jetkizdi.
Sońǵy aıda baıqalǵan aýrýdyń joǵary deńgeıi mýtasııalanǵan shtamtardyń aınalymymen baılanysty bolýy múmkin. О́ıtkeni, zertteý barysynda brıtandyq jáne ońtústik afrıkalyq koronavırýs shtamtaryna tán mýtasııalar anyqtalǵan.
Jańa shtamtardyń kontagıozy joǵary. Aldyńǵy bazalyq shtampen salystyrǵanda jańa shtamtardyń juqtyrý kórsetkishi 70 paıyzǵa deıin jetedi. Bul ınfeksııa juqpalylyǵynyń joǵarylyǵyn kórsetedi. Megapolıste sońǵy ýaqytta tirkelgen vırýstyń taralý jyldamdyǵyna dál sol sebep bolyp otyr.
Vırýstyń mýtasııalanǵan shtamnyń bar ekenine taǵy bir dálel, KVI-diń sımptomsyz túriniń tirkelýi ótken jyly 39 paıyz bolsa, 2021 jyly 32 paıyzǵa deıin azaıǵan, 14 jasqa deıingi balalar arasynda KVI 335-ten 670 jaǵdaıǵa deıin, ıaǵnı 2 ese kúrt artqan.
Osy rette B.Saǵyntaev taǵy da qala turǵyndaryn betperde rejımin saqtaýǵa, kópshilik jınalatyn jerlerden aýlaq bolýǵa, jaqyndaryna janashyr bolýǵa shaqyrdy.