Balalardyń quqyqtaryn qorǵaý komıteti, BUU Balalar Qory (IýNISEF) jáne Ekonomıkalyq zertteýler ınstıtýty balalarǵa arnalǵan bıýdjet ádisnamasy men balalar ál-aýqatynyń qazaqstandyq ındeksin engizý jónindegi birlesken is-sharalar josparyna qol qoıdy, dep habarlaıdy Egemen.kz.
Ulttyq qoǵamdyq senim keńesiniń tórtinshi otyrysyndaǵy Memleket basshysynyń tapsyrmasyna sáıkes Bilim jáne ǵylym mınıstrligi Balalar ál-aýqatynyń ındeksin ázirlep jatyr.
«Indekstiń maqsaty – ár túrli salada balalardyń jaǵdaıyn jaqsartý. Indeks elimizdegi balalar ál-aýqatynyń jalpy jáne jeke baǵyttar boıynsha qanshalyqty jaqsy ekenin anyqtaýǵa múmkindik beredi. Sondaı-aq óńirlerdegi ulttyq saıasattyń tıimdiligin baqylaýǵa negiz bolady. Indeksti ázirleý úshin elimizdegi eń ózekti kórsetkishter irikteledi. Indeks obektıvti jáne sýbektıvti derekterden turady. Derekter QR resmı statıstıkasynyń halyqqa júrgizgen saýalnama nátıjeleri boıynsha alynady.
Úsh jaqty is-sharalar josparyna qol qoıý – birlesken jobany bastaýǵa múmkindik týǵyzady dep oılaımyn. Bizdiń ortaq mindetimiz – IýNISEF Innochentı zertteý keńsesiniń jahandyq ádisnamasyna negizdelgen ındekstiń beıimdelgen modelin ázirleý. Sonymen qatar Qazaqstan Respýblıkasyndaǵy balalardyń ómirin jaqsartý maqsatynda memlekettik saıasat sheńberinde sheshim qabyldaý», - dedi QR BǴM Balalardyń quqyqtaryn qorǵaý Komıtetiniń tóraǵasy Esenǵazy Imanǵalıev.
О́z kezeginde Qazaqstandaǵy BUU Balalar Qorynyń (IýNISEF) ókili Artýr van Dızen balalarǵa teń múmkindikterdi qamtamasyz etý – IýNISEF-tiń eń mańyzdy mindetteriniń biri ekenin aıtty.
«2022 jylǵa qaraı balalar ál-aýqaty ındeksiniń iske qosylýy elimizdegi balalardyń jaǵdaıyn turaqty túrde baqylaýǵa jáne obektıvti kórsetkishterge negizdelgen sheshimder qabyldaýǵa múmkindik beredi. Balalardyń ál-aýqatyn ulttyq monıtorıng júıesi – bul Qazaqstan úshin mańyzdy joba. Indeks ýaqyt óte kele balalardyń ómir súrý sapasy qalaı ózgeretinin jáne olardyń ál – aýqatyndaǵy máselelerdi kórsete alady», dep atap ótti IýNISEF-tiń Qazaqstandaǵy ókili Artýr van Dızen.