«Qazaqaltynnyń» eki qyzmetkeri 122 mıllıon teńgeniń altynyn urlady degen kúdikke ilindi, dep habarlaıdy Egemen.kz Aqmola oblysynyń Polısııa departamentine silteme jasap.
Departament málimetinshe, qylmysty ashýǵa tájirıbeli qyzmetkerlerden arnaıy jedel-tergeý toby qurylyp, atalǵan is boıynsha 300-ge jýyq adamnan jaýap alynǵan.
«Tergeý nátıjesinde Jolymbet kentiniń 26 jáne 34 jastaǵy eki turǵyny kúdikti dep tanyldy. Ekeýi de «Qazaqaltynnyń» jumysshysy. Olar qylmys jasaýdy alty aı buryn josparlaǵan bolyp shyqty», dedi quqyq qorǵaý organy ókilderi.
Zattaı dálel qylmysqa qatysýshylardyń biriniń týysynyń páterinen tabyldy. Kúdiktiler kinásin moıyndady. Zaýyttan urlanǵan altyn katody sol kóleminde tárkilengen.
Aıta keteıik, altyn katody 2 naýryzǵa qaraǵan túni Jolymbet kentindegi «Qazaqaltyn» kenishiniń desorbsııa saqtaý kamerasynan urlanǵan. Shyǵyn 122 mıllıon teńgege baǵalanyp otyr.