Búgin Aqparat jáne qoǵamdyq damý mınıstri Aıda Balaeva «Jas Alash» gazeti redaksııasynyń ujymymen kezdesip, basylymnyń 100 jyldyǵymen quttyqtady, dep habarlaıdy Egemen.kz atalǵan mınıstrliktiń baspasóz qyzmetine silteme jasap.
Mınıstr aqparat salasynyń damýyna qosqan eleýli úlesi úshin Qaırat Matrekovty, Almas Núsipti, Seısen Ulyqbek pen Nurymjan Maýytovty «Aqparat salasynyń úzdigi» tósbelgisimen marapattady jáne «Jas Alash» gazetiniń basqa da qyzmetkerlerine qurmet gramotasy men alǵys hattar tabystady.
A. Balaeva gazettiń 100 jyldyǵy Qazaqstan Táýelsizdiginiń 30 jyldyǵymen tuspa-tus kelýi bul mereıli datany atap ótýge erekshe mán qosatyndyǵyn jetkizdi.
«Jas Alash» qazaq baspasózinde ózindik orny bar, halyq suranysyna ıe shynshyl basylymdardyń biri», dedi mınıstr.
Kezdesý sońynda Aıda Balaeva basylymnyń barlyq qyzmetkerlerine kásibı jáne shyǵarmashylyq tabystar tiledi.