Elorada karantın ýaqytynda 150 adam shaqyrylǵan úılený toıy ótkizilgen. Bul jaıynda Nur-Sultan qalalyq polısııa departamentinen málim etti, dep habarlaıdy Egemen.kz
Qaladaǵy karantındik sharalǵarǵa baılanysty pandemııanyń taralýyna jol bermeý úshin birqatar shekteý is-sharasy qabyldanǵan. Onyń ishinde saltanatty, otbasylyq jáne basa da toı-tomalaq ótkizýge tyıym engizilgen.
Osyǵan oraı karantın rejımin buzýshylardy anyqtaý maqsatynda quramynda polısııa qyzmetkerleri, ákimdik pen Sanıtarlyq-epıdemııalyq baqylaý basqarmasynyń ókilderi bar mobıldi top jumys istep jatyr.
«Qoldanystaǵy tyıymǵa qaramastan Tilendıev dańǵylyǵyndaǵy «Dýdaraı» meıramhanasynyń banket zaly karantın is-sharalaryn saqtamaǵan qonaqtarǵa toly boldy. Mobıldi top teksergen sátte toı qyzyp, meıramhanada shekteý sharalaryn qaperden shyǵarǵan 150 adam kóńil kóterip jatqan. Meıramhana ıesiniń ústinen jınaqtalǵan materıal QR Ákimshilik quqyq buzýshylyq týraly kodekstiń 425-babymen ákimshilik is qozǵaý úshin ókiletti organdarǵa jiberildi», dedi departament ókili.