Koronavırýstyń taralýyna jol bermeý jónindegi vedomstvoaralyq komıssııa álemdegi ahýalǵa qatysty aqparat jarııalady, dep habarlaıdy Egemen.kz.
Brıtanııa bıligi memlekette oryn alǵan aýyr epıdemıologııalyq jaǵdaı kezinde engizilgen shekteý sharalaryn jeńildetpek. Dúısenbiden bastap pabtar men meıramhanalar kelýshilerdi tek ashyq aýada qabyldaı alady. Azyq-túlik dúkenderimen birge, basqa da dúkender jumys isteı bastaıdy, sonymen qatar sport zaldary, basseınder men kitaphanalar, sulýlyq salondary ashylady.
⠀Chehııa jyl basynan beri alǵash ret shekteý sharalaryn jeńildetpek. Dúısenbiden bastap bastaýysh mektepteri men kóptegen dúkender, fermerlik bazarlar, haıýanattar baǵy men botanıkalyq baqtar ashylady.
⠀
Italııanyń taǵy bes aımaǵy - Kalabrııa, Emılııa-Romagna, Lombardııa, Pemont jáne Toskana - epıdemıologııalyq ahýaly qaýipti qyzyl aımaq deńgeıinen qalypty, qyzǵylt saryǵa aýystyryldy. Dúısenbiden bastap eldiń kóp bóligi qyzǵylt sary aımaqqa ótti.
⠀Nıderlandy úkimeti komendanttyq saǵat jáne basqa da shekteý sharalary kem degende 28 sáýirge deıin saqtalady degen uıǵarymǵa kelgen, óıtkeni kúndelikti indetti juqtyrý sany eki aptalyq maksımýmǵa jetken. Buǵan deıin bılik komendanttyq saǵat pen ashyq aspan astyndaǵy meıramhanalarǵa barýǵa tyıymdy alyp tastap, 21 sáýirden bastap shekteý sharalaryn jeńildetýdi qarastyrǵan bolatyn.