Búgin, 12 sáýir kúni Qalalyq balalar klınıkalyq juqpaly aýrýlar aýrýhanasynan COVID-19 dıagnozy qoıylǵan, polısegmentarlyq kovıdti pnevmonııa dertine shaldyqqan 99 jastaǵy qart kisi saýyǵyp shyqty, dep habarlaıdy Egemen.kz.
Aýrýhana dárigerleriniń baqytyna oraı, barlyǵy sátti aıaqtalyp, pasıent jazylyp, burynǵy qalpyna tolyqtaı keldi. Aýrýhanada shamamen eki aptadaı em-dom jasalyndy. Týystary mamandarǵa der kezinde júgingendikten, biz ýaqtyly durys em taǵaıyndadyq. Dári-dármekpen emdeýden basqa, biz sondaı-aq psıhoemosıonaldyq qoldaýǵa barynsha kóńil bóldik, barlyq ákimshilik ókilderimen birge aýrýlardy aralap shyǵý barysynda, aqsaldyń da saýlyǵyn surastyryp, qoldaý kórsetip, árdaıym jigerlendirip otyrdyq. Naýqastyń nemeresine jeke rahmet, onyń qamqorlyǵynyń arqasynda atasy aýrýdy tez arada jeńe bildi, deıdi dárigerler.
Fotosýret emdeýshi dáriger Aıjuldyz Dáýletkeldi, pasıent pen nemeresiniń ruqsatymen jarııalady.