Shyǵys Qazaqstanda Ádilet departamentindegi bólim basshysy qaramaǵyndaǵy qyzmetkerin soqqyǵa jyqty, dep habarlaıdy Egemen.kz.
Áriptesine qol kótergen basshy ádilet departamentindegi tártiptik komıssııanyń tóraǵasy eken.
Jumys kezinde sózge kelip qalǵan 34 jastaǵy memlekettik qyzmetker jasy 50-den asqan ınspektordy uryp jibergen. Zardap shegýshi polısııa men memlekettik qyzmet ister agenttigine aryzdanyp, qol kótergen áriptesin jazaǵa tartýdy talap etýde.
Al jumys kezinde qyzmetkerdi urǵan bólim basshysy sol arada bala kútimine baılanysty dekrettik demalysqa shyǵyp ketken. Jumys ýaqytynda soqqyǵa jyǵylǵan ınspektor sottasýǵa da daıyn.
«Daýysyn qatty kóterip, meniń bedelimdi túsirdi. Bul kisi jumys barysynda sózimdi tyńdamaı, jumys ústeldi aınalyp kelip murnymnan soqty. Qatty soqty. Qan aqpaǵanymen, tanaýym isip ketti», deıdi oblystyq Ádilet departamentiniń ınspektory Janat Qadyrbekov.