Bıylǵy 12 naýryzdaǵy «Qazaqstan Respýblıkasynyń keıbir zańnamalyq aktilerine normashyǵarmashylyqty jetildirý máseleleri boıynsha ózgerister men tolyqtyrýlar engizý týraly» Zańy zańdardy qabyldaýdyń neǵurlym ashyq tetigin kózdeıdi. Endi Úkimettiń bastamasymen ázirlengen árbir zań jobasynyń aldynda jurtshylyqpen konsýltasııalar ótkizýge arnalǵan Konsýltatıvtik qujat bolady. Ádilet vıse-mınıstri Natalıa Pan engizilgen ózgertýler men túzetýler jaıly aıtyp berdi.
Onyń aıtýynsha, konsýltatıvtik qujat salanyń problemasyn neǵurlym tereń qalyptastyrýǵa jáne kórýge, olardy sheshýdiń ádisteri men tásilderin pysyqtaýǵa múmkindik beredi.
«Zań jobalaryn ázirleý rásiminiń ózi kelesideı. Memlekettik organdar problemany anyqtaǵan kezde tıisti taldaý júrgizýge jáne onyń nátıjelerin Konsýltatıvtik qujatta kórsetýge tıis. Budan ári Konsýltatıvtik qujat jurtshylyqpen jáne onyń naqty nysanaly toptarymen konsýltasııalar ótkizý úshin «Ashyq NQA» portalynda jarııalanady. Jurtshylyqpen talqylaýlar bir nemese birneshe tásilderdi paıdalana otyryp júrgiziledi: «Ashyq NQA» portalynda talqylaý, jarııa tyńdaýlar men pikirtalastar. Qoǵammen talqylanǵannan keıin ǵana memlekettik organ talqylanatyn máseleni sheshý úshin zań ázirleýdiń oryndylyǵy týraly sheshim qabyldaıdy», dep atap ótti spıker.
Osylaısha, halyq zańnamalyq bastamanyń eń erte kezeńinen bastap ýákiletti organdar qabyldaǵan sheshimderge tartylatyn bolady.